In hoc anni circulo

You can read about the medieval hymn, In hoc anni circulo, at the Hymns and Carols of Christmas website, which also has a MIDI file of the melody, along with various English translations, including one by J.M. Neale.

In hoc anni circulo

1. In hoc anni circulo
Vita datur saeculo,
Nato nobis parvulo
Per virginem Mariam.
Verbum caro factum est
Per virginem Mariam.

2. Quod vetustas suffocat
Hoc ad vitam revocat,
Nam se Deus collocat
Per virginem Mariam.
Verbum caro factum est
Per virginem Mariam.

3. Adam pomo vescitur,
Et sudor repellitur
Sui vultus hodie
Per virginem Mariam.
Verbum caro factum est
Per virginem Mariam.

4. Noe, pro diluvio
Clauso fortis ostio,
Arcam intrat hodie
Per virginem Mariam.
Verbum caro factum est
Per virginem Mariam.

5. Serpens ille, callidus
Cunctis animalibus,
Suffocatur hdie
Per virginem Mariam.
Verbum caro factum est
Per virginem Mariam.

6. Stella solem protulit,
Sol salutem contulit,
Nihil tamen abstulit
Per virginem Mariam.
Verbum caro factum est
Per virginem Mariam.

7. Puer circumciditur,
Sanguis ejus sunditur,
Vita restituitur
Per virginem Mariam.
Verbum caro factum est
Per virginem Mariam.

8. In praesepe ponitur
Et a brutis colitur,
Matris velo tegitur
Per virginem Mariam.
Verbum caro factum est
Per virginem Mariam.

9. Ab angelis concinitur,
Gloria et pax dicitur,
A pastoribus quaeritur
Cum virgine Mariam.
Verbum caro factum est
Per virginem Mariam.

10. Joseph nato fruitur,
Natus lacte pascitur,
Vagit, plorat, tegitur
Per virginem Mariam.
Verbum caro factum est
Per virginem Mariam.

11. Ergo nostra concio
Omni plena gaudio,
Psallat cum tripudio
Cum virgine Mariam.
Verbum caro factum est
Per virginem Mariam.

(in hoc anni circulo)